Auto en demolizion
Poesia tratta dal libretto ...sfodegàr 'ndel prosac dei ricordi... di Rita Giovanella Demattè.
Senza ròde, ‘l cofano ‘nfizà,
ma ‘n fanalin l’è ancor bòn,
l’è restà ‘mpizà.
‘L par ‘n òcio,
che varda ‘ndrìo ‘ndel temp con malinconia
quanche su strade erte e piane,
l’auto ‘nsema a noi la sgolava via;
bèn cantava ‘l motor,
e con noi pareva
ripeter na strofa d’amor.
Gh’ero pròpi tacada a sta machinòta,
ma adèss l’è tuta sbugnada;
vègn el magón…
dover portarla ‘n demolizión:
me par en vècio postà a ‘n baston
che dopo aver laorà na vita ‘ntrega
l’è deventà ‘n muciat…
da meter en ‘nten canton!
Rita Giovanella Demattè
